Oturreko hondartza harezko hondartza zoragarria da. Harri eta itsaslabarren artean kokatua, naturak berak inguratutako eremuan, bi erreka txikien artean mugatua dago. Urpekaritza eta surf egiteko leku ezin aproposagoa da. Familiarekin joateko leku erabat egokia dugu gainera, komunak, taberna, soroslea eta kotxez ailegatzeko parada eskaintzen baitu. Eskuinaldean dituen kaletara ere pasatzeko aukera dago, itsasbeherarekin batera, eta bertan paseoan ibiltzeko inguru ederra eskaintzen du.

Barayoko hondartza gure kanpinatik 3 kilometro eskasetara kokatua dago, eta babestutako lekua izanik, oinez ailegatzeko baino ez dago aukerarik. Hau da, ibilgailuz sartzea debekatua dago. Europako iparraldetik Afrikarako bidea betetzen duten hegazti migratorioen geldialdia dugu hondartza hau. Hegaztiek, itsasoak berak eta Barayo ibaiaren batzeak sortutako ura gazi-gozoz beteriko paduretan gozatzen dute urtero. Hantxe, leku liluragarri hartan, “Senda Naviega”-k bere hasiera dauka. Barayo eta Navia herrien artean dauden hondartzak eta itsaslabarrak zeharkatzen dituen ibilbidea da, haiz zuzen ere, aipatutakoa.

Luarca herria, Valdés udalbatzearen hiriburua da. “Kosta Berdearen hiri zuria” izenarekin ezagutua, Asturiaseko mendebaldeak dituen kaien artean esanguratsuenetariko bat da berea, zalantzarik gabe. Bertan, hagitz famatuak dira bere auzo tipikoak, arrantzarekin erabat lotuta daudenak ( La Pescadería eta El Calambral ) Azkeneko honetan, “Mesa de Mareantes”-a kokatua dago. Gamonedako markeseen etxea, artez eraikitako monumentua, baita Ferrerako markeseen etxea ere dira, besteak beste, bertan bisitatzen ahal dituzun leku ospetsuenetariko batzuk. Monta handiko ospakizunak ere ematen dira Luarca herrian: Bere Aste Santua, Arrosarioa, ( abuztuak 15 ) eta San Timoteo ( abuztuak 22 ) bere erromeria herrikoiarekin.

Navia udalbatzean kokaturik, Puerto de Vega kantauriko kostaldeko herri polit eta berezienetariko bat dugu. Arrantzarekin loturiko herri honetan, bere kaian, bere karrika txikietan ibiltzeko eta bertan galtzeko paregabeko aukera izanen duzu.

Bere olatu sendo eta bortzitzak direla eta, “basati” hitza erabili genezake, okertzeko beldurrik gabe, hondartza honen deskribapen egokia egin nahi izanez gero.

Sarbide erosoa dauka, hala ere. Bi aparkalekuz hornitua, Puerto de Vega-tik edo Navia herritik sartzeko aukera dago.

Naviako itsasadarra eta hondartzaren artean kokatutako olgetarako eremua dugu hau. Bertan, zuhaitz mordoa dagoela eta, erabat leku aproposa dugu aterpean eraikitako merendero handietan askaria egiteko, edota egun-pasa joateko. Ezinbestekoa dugu itsasbarran zehar eraikitako paseoa, eta nola ez, bere hondartza, hare fin-finez eta zuriz sortutakoa dena, bizitatzea.

Ur-jauzien ibilbidea, Oneta herrixkatik abiatu egiten da. Bigarren mailako AS-36 errepidearen bidez, herri hau Luarca herriarekin konektatzen dituena, udalerriko hiriburutik ( Villayón-etik ) ailegatzeko aukera dago.

Ibilbidea bereziki interesgarria izanik, ur-jauzietara eraman behar zaituen zeharkalean ez dago galtzeko modurik. “Firbia”-ko ur-jauzira ordu erdi eskasean iristeko aukera dago. Apur bat konplikatuagoa dugu bigarren eta hirugarren ur-jauzietarako doazen bideak hartzea, nahiz eta ahalegina egitea izugarri merezi du. Ibilbidea oinez egiteko aproposa da, baina lehenbiziko ur-jauzi horretara iristeko, umeendako aulkitxoekin ere arazorik gabeko bidea dago.

Ribadeo herrian kokatua dago, Lugo probintziaren kostaldean, Asturiasetik nahiko gertu. Ribadeo herritik, mendebalderantz, 10 kilometrotara hain zuzen ere.
Ez dago “La Playa de las Catedrales” bezalako hondartzarik. Urteetan zehar, itsasoak gogor higatu eta zigortu egin ditu itsaslabar zoragarri hauek, eta eragindako indarra honen bidez, paregabeko harri koskor, kobazulo, pasabide eta arkupe ikusgarriak sortu egin ditu. Komenigarria liteke itsas-beherarekin batera hondartza hau bisitatzea. Itsas-gorarekin, hondartza txikia, hare fin-finezkoa eta uretan sartzeko erabat aproposa da, baina itsas-labarra, harriak eta aipaturiko itsas-paisaia ez dugu ikusterik izanen.

Arrantzarekin loturiko hagitz kai interesgarria du Cudillero herriak, eta bertatik, ondoko mendi magaletan, dauden etxeak aldrebez zintzilikatuak daudela ematen du. Hiru magal aldapatsuek inguratzen dute herria, honi anfiteatro itxura emanez. Cudillero herrian dauden karrika eta harmailadi txikietan zehar galtzea dugu planik onena. Paregabeko gozamena, izugarrizko plazerra, kale txiki horietan barna presarik gabeko ibilbidea egitea.

Arrantza da Cudillero herriak ohikoa izan duen jarduera nagusia, eta honetaz gain, itsasargia eta Belgikarren jauregia bisitatzea, ezinbestekoa dugu.

Paradisuko hondartza dugu, urteetan zehar masifikaziotik salbu mantendu izan den hondartza lasai hau. Lehenik eta behin, Cudilleroko udalbatzean kokaturiko Castañeras herrira joan beharra dago, “Playa del silencio” topatzeko. Harrizko hondartza dugu hau, eta bere eskuinaldeko partean, itsaslabarrean amaitzekoa den mendi handi bat dago. Bere uraren gardentasunari esker, Snorkel edo urpeko arrantza egiteko leku erabat aproposa da.

Ez dago esateko gehiagorik, hondartza honi buruz, bere izenak jadanik esan ez duena. Olatuen eta itsaslabarreek babesturiko leku isil eta lasaia da, atsedena hartzeko ezinhobea. Maskor itxura dauka, hain zuzen ere, 500 metro baino gehiago ez duen hondartza honek. Harri koskorrak itsas bazterrean, kolore eta kalitate bereziko ura…Arestian esan bezala, erabat merezitua dauka bere izena hondartza honek, bere paregabeko ezaugarriengatik, “Babesturiko Eremua” titulua eskuratu egin diotenak.

Bustoko lurmuturretik nahiko gertu dagoen hondartza honek sarrera korapilatsua dauka, eta horregatik arrantzaleak baino ez dira bertan ibiltzen. Harriz eta hareaz osaturik, birgina dugu hondartza hau, gizakiaren eragina ia ia nabaritu ez duena, hain zuzen ere. Mendebaldeko kostaldearen “Eremu Babestuan” dago, eta bertan dute itsaroratzeko unea hiru erreka txikik. Bustoko lurmuturra osoak eskaintzen duen itxura basatiarekin bat egiten du hondartza honek.

Bertan dauden herrri txikien bizimoduagatik, baita bertan ditugun eraikuntza tradizionaleengatik ere ( horreoak eta abar ) Asturiaseko museo etnografikoa dugu Oscos-eko eskualdea. Aipatzeko modukoa dugu ere, nola ez, Taramundi herria. Horrez gain “Os Teixois” leku zoragarria bisitatzeko aukera izanen dugu. Bertan, garrantzi etnografikoa daukate, zalantzarik gabe, bere errotak eta bere sutegiak, biak ur korronte naturalari esker indarrean daudenak, baita era artisauan eraikitako zentral elektriko txikiak ere, herriak behar duen argindarra sortzeko gai denak.